Силниот земјотрес го погоди Западен Миндоро, а поради потресите од претпазливост биле евакуирани и вработени во една државна институција.

Земјотрес со магнитуда од 5,8 степени денеска го погоди Западен Миндоро на Филипините, соопшти Филипинскиот институт за вулканологија и сеизмологија.

Земјотресот се случил во 10:38 часот по локално време, на околу 21 километар југозападно од Мамбурaо, на длабочина од 10 километри. Тресењето било почувствувано и во главниот град Манила.

Според сведоштва, потресот се почувствувал во една деловна зграда во Манила, додека вработените во објект на државна институција биле евакуирани од претпазливост.

Надлежните засега не очекуваат материјална штета, но предупредија дека се можни дополнителни потреси.