Украинскиот претседател Володимир Зеленски бурно реагираше на прашање од руски државен медиум за време на заседанието на Генералното собрание на ОН во Њујорк. Додека Зеленски одеше кон седиштето со својата делегација, новинар неколкупати гласно го праша кога планира да дојде во Москва. Претседателот застана, со раката ја покри устата и на руски јазик му дофрли: „На ракета, е*ате“.

Снимката од кусата средба меѓу украинскиот претседател и рускиот новинар експресно се рашири на социјалните мрежи. Новинарот кој го постави прашањето е Валентин Богданов, дописник на руската државна телевизија Вести. Зеленски во првиот момент го игнорираше дофрлањето и направи неколку чекори нанапред. Потоа се сврте, ја стави раката пред устата и ја упати кратката реплика, по што продолжи со делегацијата.

While entering the UN headquarters in New York, Ukrainian President Zelensky was approached by journalists from the Russian VESTI state-owned media outlet and asked when is he planning to visit Moscow.

After walking away a few steps, Zelensky covered his mouth with his hand and… pic.twitter.com/EQPWPYqn72

— Status-6 (War & Military News) (@Archer83Able) September 23, 2026

Оваа необична размена доаѓа во период на засилени дипломатски активности зад затворени врати во Њујорк. Зеленски таму оствари серија средби со меѓународни лидери, вклучително и со поранешниот американски претседател Доналд Трамп, на тема можни чекори за намалување на воените дејства пред зимата.

Фокусот на разговорите со Трамп бил ставен врз заштитата на цивилната инфраструктура. Украинската страна посочи дека е подготвена да ги запре ударите врз руската нафтена и извозна мрежа доколку Москва реципрочно прекине со гранатирање на украинските енергетски капацитети. Кијив истовремено бара итен нов пакет за противвоздушна одбрана, вклучувајќи системи Патриот и ракети пресретнувачи, со план дел од таа муниција во иднина да се произведува и на украинска територија.