Според официјалните процени, во Србија во периодов легално работат до 100.000 странци, а само околу 160 бегалци се во прифатни центри.

По повод Меѓународниот ден на бегалците, 20 јуни, претседателот на УО на Центарот за заштита и помош на барателите на азил, Радош Ѓуровиќ изјави дека меѓу бегалците во Србија има најмногу луѓе од Авганистан, Египет, Русија, Гана, Турција и Сирија. Оваа година досега азил побарале 161 лице.

„Азил добија осум лица – бегалци од Сирија, Бурунди, Сиера Леоне, Иран и две супсидијарни заштити за лица од Сирија“, рече Ѓуровиќ.

Исто така, беше забележано дека „повеќе од 32.000 лица од Украина и повеќе од 43.000 Руси престојуваат во Србија пократок или подолг временски период, од кои 1.028 лица од Украина уживаат привремена заштита во Србија“.

Ѓуровиќ изјави дека бегалците се соочуваат со проблеми со бавни процедури како и со пристапот и остварувањето на здравствена заштита. Исто така, постојат проблеми со системската помош во интеграцијата – „од планиран пристап и помош при вработување, образование, учење јазици, социјализација, запознавање со прописите, правата и обврските.