На главниот плоштад е поставен црвен тепих, се веат српски знамиња, а насобраните носат различни транспаренти, претежно со натпис „Пумпај“.
Соња Малетиќ, државјанка на Србија, која веќе четири години студира медицина на Универзитетот во Стразбур, вели дека е тука да ги поддржи своите врсници.
„Им се восхитувам на тие луѓе, мои врсници, за се што направија и единственото нешто што можам да го кажам е секоја чест. Не одам често во Србија, па не бев на протестите, но мојот мал придонес е што сум овде денес“.
Stigli biciklisti iz raznih krajeva Evrope.
— Freedom. (@SneleZaratustra) April 15, 2025
Strazbur. ❤️ pic.twitter.com/w5nT0v4eh5
Соња вели и дека таа и нејзините пријатели ќе бидат домаќини на студентите и ќе им обезбедат сместување додека се тука.
По тринаесет дена возење велосипед, српските студенти кои заминаа во Стразбур барајќи правда, стигнаа до крајната дестинација.
Околу 80 студенти кои на 3 април годинава со велосипед го напуштија Нови Сад, пристигнаа во Стразбур, каде очекуваат да бидат примени во европските институции со цел да се бара правда за 16-те загинати при падот на настрешницата на 1 ноември минатата година.
Нивната мисија, како што рекоа на почетокот, е светот да ја дознае вистината за Србија, институциите да реагираат и да вршат притисок врз власта, да го кренат својот глас во името на сите замолчени.
Studenti iz Srbije🇷🇸, nakon što su biciklima 🚴♂️prešli više od 1400 kilometara, stižu u Strazbur kako bi Veću Evrope i institucijama Evropske unije predali pismo s informacijama o aktuelnoj situaciji u Srbiji. Tokom trinaest dana dugog puta, prolazili su kroz brojne gradove u… pic.twitter.com/LhaCW5PmmT
— DW Balkan BHS (@dw_balkan) April 15, 2025
Сместувањето за сите осумдесетина велосипедисти кои поминаа повеќе од 1400 километри и поминаа низ шест земји беше обезбедено претходно, благодарение на српските граѓани кои живеат во Стразбур.
Повеќе од стотина припадници на локалната српска дијаспора, како и дијаспората од Швајцарија, Базел и Париз, кои исто така дојдоа да им посакаат добредојде на студентите и да им дадат поддршка.
