„Сè е подготвено. Го започнуваме летото со квалитетен концерт кој верувам ќе го привлече вниманието на публиката. Целата програма во рамки на Штипското културно лето е со бесплатен влез, па ги покануваме сите љубители на културата да ни се придружат“, изјави Бобан Панајотов од Општина Штип.

Програмата оваа година вклучува концерти, театарски претстави, книжевни читања, изложби и креативни работилници. Организаторите се погрижија да понудат настани за сите возрасти, со посебен фокус на најмладите.

„Имаме неколку настани наменети за децата и младите. Посебно би ја издвоил детската претстава Пепелашка, која ќе се одржи на 26 јуни во Домот на културата ‘Ацо Шопов’. Ги покануваме родителите и бабите и дедовците да дојдат со најмладите и заедно да уживаат“, додаде Панајотов.

Штип ќе живее во ритамот на уметноста, музиката и културата сè до крајот на јули. Јубилејното издание носи разновидна програма што ги спојува традицијата, современиот израз и локалните уметници – културно лето за паметење.Tools