Утринскиот секс пред заминување на работа носи повисока продуктивност, поголем фокус и поголема шанса за зголемување на платата или унапредување. Според новото истражување на платформата ZipHealth, вработените кои практикуваат утринска интимност покажуваат највисока мотивација и подобро управуваат со стресот во споредба со оние кои се потпираат само на утринското кафе.

Истражувањето спроведено врз 1.000 вработени Американци од сите генерации покажува дека лицата кои имаат секс наутра рутина имаат 71 процент повисока продуктивност и 70 проценти подобра успешност во извршувањето на работните задачи. Покрај тоа, 58 проценти од нив пријавиле подобар фокус, додека 57 проценти имаат повисока мотивација на работното место.

Позитивниот ефект од утринските активности во спалната соба се прелева и на финансиите. Податоците покажуваат дека 19 проценти од вработените со оваа навика добиле унапредување во изминатата година, што е највисок процент во споредба со сите други групи. Дополнително, 51 процент од нив оствариле зголемување на платата.

Повеќе од 35 проценти од анкетираните истакнуваат дека утринскиот секс е подобар за нивната енергија од кафето. Истражувачите забележуваат и значајно подобрување на менталното здравје: лицата кои практикуваат утринска интимност пријавуваат 68 проценти повисоко ниво на општа среќа, 63 проценти поголема емоционална стабилност и 49 проценти подобро справување со секојдневниот стрес.