Ова е трет пат Малме да биде домаќин на Евросонг по изданијата во 1992 и 2013 година и ќе биде прв пат Евровизија да не посети главен град 5 последователни натпревари.
Самата Шведска ќе биде домаќин на Изборот за песна на Евровизија по 7-ми пат во 2024 година, откако претходно натпреварувањето го организираше и во Стокхолм во 1975, 2000 и 2016 година, во Гетеборг во 1985 година и тие натпревари во Малме.
Овогодинашниот Избор за песна на Евровизија беше официјално отворен во шведскиот град Малме, каде претставници на 37 земји прошетаа по „тиркизниот тепих“ во услови на засилени безбедносни мерки и повици за бојкот поради учеството на Израел.
Долго време се шпекулираше дека на отворањето нема да има израелска делегација, а синоќа се покажа дека оваа вест е точна. Отсуствуваа пејачката Еден Голан и нејзиниот тим, а причината беше поради потенцијални закани и напади. Безбедносните служби не сакале да ризикуваат, па во договор со делегацијата на Израел нашле изнудено решение.
Исто така, една од наведените причини е фактот дека се слави Денот на сеќавањето на холокаустот, и затоа ниту една церемонија која вклучуваше славење не доаѓаше предвид.
Од земјите од регионот, учество потврдиле Албанија, Хрватска, Грција, Србија и Словенија.
Македонска делегација на Изборот за песна за Евровизија 2023 година во Ливерпул немаше поради, како што информира тогаш Македонската Радио Телевизија, зголемената котизација за учество и зголемените трошоци од енергетската криза. Последниот настап на Евровизија на земјава беше во 2022 година.
