Бензините поевтинуваат за два денара, а дизелот за 2,50 денари за литар, одлучи Регулаторната комисија за енергетика. Новите максимални цени ќе важат од 00:01 часот на 17 ноември.
Со одлуката, малопродажните цени на нафтените деривати се намалуваат во просек за 2,43 проценти во однос на пресметката од 9 ноември.
Нови цени на горивата од 17 ноември
Максималните малопродажни цени ќе изнесуваат:
- Еуросупер БС-95: 84 денари за литар, намалување за два денара.
- Еуросупер БС-98: 86 денари за литар, намалување за два денара.
- Еуродизел БС: 92 денари за литар, намалување за 2,50 денари.
- Екстра лесно масло за домаќинство: 100,50 денари за литар, намалување за три денари.
- Мазут М-1 НС: 48,314 денари за килограм, намалување за 0,998 денари.
Од РКЕ наведуваат дека референтните цени на светскиот пазар се намалиле кај сите деривати. Најголем пад е забележан кај бензините, за 7,484 проценти, додека кај дизелот намалувањето изнесува 4,032 проценти.
Во пресметката се применети намалената стапка на ДДВ од 10 проценти за дизелот, како и намалувањата на акцизата од еден денар за литар кај бензините и четири денари за литар кај дизелот.
Утврдените цени се максимални. Трговците можат да ги продаваат горивата и по пониски цени.
