Украинските сили изведоа сложена подземна операција во близина на Купјанск, напредувајќи повеќе од 15 километри низ подземни гасоводни инсталации за да удрат зад руските одбранбени позиции. Акцијата под кодно име „Велес“ резултираше со елиминација на повеќе од 100 руски војници и заробување на уште 30, соопшти украинскиот претседател Володимир Зеленски. Маневарот претставува директен одговор на претходните обиди на руската армија да ја искористи истата инфраструктура за упад на украинска територија.
Движењето под земја се одвиваше низ гасоводна цевка со пречник од само 1,2 метри. Ваквите димензии значеа целосно отсуство на маневарски простор, принудувајќи ги војниците да ползат под полна борбена опрема кон утврдените позиции. Борбени судири избиле директно во внатрешноста на подземниот систем.
Our important operation in the Kupiansk sector. Mykhailo Drapatyi, Ihor Obolenskyi, and Pavlo Palisa reported on the initial results and progress of Operation Veles, carried out by the Khartiia 2nd Corps of the National Guard of Ukraine. More than 100 Russian occupiers have already been eliminated, and more than 30 have been taken prisoner. The underground advance has exceeded 15 kilometers. The Russians had already tried to use underground gas pipelines to move through our positions and launch assault operations. Ukrainian warriors have successfully transformed this tactic, modernized it, and made it much more sophisticated and technologically advanced. We are protecting the lives of our people, inflicting losses on the occupiers, and achieving our objectives in the Kupiansk sector. Glory to Ukraine!
— Volodymyr Zelenskyy / Володимир Зеленський (@ZelenskyyUa) October 27, 2026
Според изјава на украински борец за медиумите, екстремните услови за движење го направиле судирот уникатен за досегашниот тек на војната. Ниту една единица претходно нема изведено маневар со олкава должина во толку тесен подземен простор на фронтот.
Украинскиот претседател Володимир Зеленски прецизираше дека целта на операцијата „Велес“ била да се пресече руската тактика за користење на енергетската инфраструктура како воен коридор. Руските сили претходно се обидуваа да ги користат гасоводите за тивко приближување зад украинските линии кај Купјанск.
Во извештајот доставен до претседателот од командантите Михајло Драпати, Ихор Оболенски и Павло Палиса, се наведува дека операцијата ја реализираше Вториот корпус „Хартија“ на Националната гарда на Украина. Акцијата комбинираше синхронизиран подземен упад со координирани оклопни и пешадиски удари на површината.
Борбите во секторот кај Купјанск во Харкивската област претставуваат едно од главните жаришта на фронтот. Градот е клучен железнички и патен јазол чија контрола диктира снабдување на единиците на поширокото источно боиште. Преземањето на подземните правци им овозможува на украинските бранители да спречат ненадејни напади во заднината на своите линии.
