Доналд Трамп на својата социјална мрежа напиша дека Иран побарал прекин на огнот.

„Претседателот на новиот ирански режим, кој е многу помалку радикален и многу поинтелигентен од неговите претходници, штотуку побара од Соединетите Американски Држави прекин на огнот! Ќе го разгледаме тоа кога Ормускиот теснец ќе биде отворен, слободен и чист. Дотогаш, го срамнуваме Иран со земја или, како што велат, го враќаме во камено доба!!!“.

Ормуткиот теснец е отворен за бродовите на „повеќето“ земји, изјави иранскиот министер за надворешни работи, Абас Аракчи, во интервју за Ал Џезира, а неговата иднина ќе ја одлучат, според него, Иран и Оман со територијални води во преминот.

Иран ја презеде контролата врз Ормутскиот теснец како одговор на нападите на САД и Израел, забранувајќи го транзитот за бродови поврзани со САД, Израел и нивните сојузници. Иранските власти постојано нагласуваат дека теснецот не е затворен, нагласувајќи дека бродовите од „пријателски“ земји можат да поминат низ него, во координација со иранската морнарица.