Глобалната економија повторно е под притисок, а комбинацијата од растечки цени на нафтата и ескалацијата на тензиите во Персискиот Залив ја зголемува опасноста од нова рецесија. Според аналитичари на „Мудис“, доколку цената на Брент подолг период се задржи околу 125 долари за барел, светската економија може да влезе во зона на пад.
Иако постојат очекувања дека кризата на Блискиот Исток би можела релативно брзо да се смири, пазарите реагираат на секоја нова безбедносна закана. Нафтата веќе повторно расте, а неизвесноста околу Ормускиот теснец, клучна точка за глобалното снабдување со енергенси – останува најголемиот ризик.
Дополнителен притисок создаваат и прекините во транспортот, кои веќе предизвикаа нарушувања во трговијата со нафта и гас. И покрај најавите за зголемување на производството од страна на ОПЕК+, аналитичарите предупредуваат дека тоа нема да биде доволно за да се компензираат загубите предизвикани од конфликтот.
Дури и ако блокираните танкери добијат дозвола за движење, ризикот од нови прекини останува висок. Пазарите сè повеќе ја вградуваат оваа неизвесност во цените, што значи дека ефектите наскоро може да се почувствуваат и кај горивата, инфлацијата и економскиот раст ширум светот.
