Еден од најголемите музички фестивали во регионот, Sunny Hill Festival, оваа година ќе се одржи од 31 јули до 2 август во Приштина, носејќи три дена светски музички имиња и програма која секоја година привлекува илјадници посетители од околу 60 земји.

Овогодинешното издание носи една од највпечатливите програми досега, предводена од Katy Perry, Martin Garrix и Lewis Capaldi.

На фестивалот ќе настапат и Adam Port & Rampa од Keinemusik, PAWSA, Seth Troxler, Carlita, Blanco, Dhurata Dora, Ledri Vula, MC Kresha & Manifest, GJIN, Tyson O’Brien, EsDeeKid и бројни други домашни, регионални и меѓународни изведувачи.

Во изминатите години, Sunny Hill Festival беше домаќин на некои од најголемите светски музички имиња, меѓу кои Dua Lipa, Miley Cyrus, Calvin Harris, Shawn Mendes, J Balvin, Stormzy, Burna Boy, Bebe Rexha, DJ Snake, Black Coffee, Peggy Gou, Anyma, Fatboy Slim и Hardwell.

Со својата програма и организација, фестивалот неколку пати беше номиниран меѓу десетте најдобри европски фестивали во категоријата Best Medium-Sized Festival на European Festival Awards, со што се вброи меѓу најпрепознатливите музички фестивали во Европа.

Со оглед на близината на Приштина, Sunny Hill Festival претставува добра можност во еден викенд да се проследат настапите на некои од најактуелните светски музички имиња.

Покрај главната сцена, фестивалот нуди богата програма на уште неколку сцени, опфаќајќи поп, електронска музика, хип-хоп и други современи музички жанрови.

Влезниците за фестивалот се веќе во продажба и се достапни онлајн преку официјалната веб-страница www.sunnyhillfestival.com, каде може да се најдат и сите информации за програмата, распоредот на настапите и сместувањето.