Светското првенство продолжува со деветтиот ден од нокаут-фазата, а денешната програма носи две осминафинални пресметки и нови контроверзии. Во 21:00 часот ќе се одигра големото европско дерби меѓу Португалија и Шпанија, додека во 02:00 часот по македонско време силите ќе ги одмерат САД и Белгија.

Досега се познати две четвртфинални двојки: Франција – Мароко и Норвешка – Англија.

Португалија и Шпанија во дерби на осминафиналето

Првиот натпревар од денешната програма носи пресметка меѓу двата големи ривали од Пиринејскиот Полуостров. Португалија обезбеди пласман во осминафиналето по контроверзната победа над Хрватска, додека Шпанија убедливо ја елиминира Австрија.

Вториот натпревар веќе предизвикува бројни реакции поради одлуката на ФИФА да ја поништи суспензијата на американскиот напаѓач Фоларин Балогун, кој доби црвен картон на претходниот натпревар, но сепак ќе може да настапи против Белгија.

Според дел од медиумите, врз оваа невообичаена одлука можеби влијаеле политички притисоци, па дури се споменува и можна вмешаност на Белата куќа. Овие информации засега не се официјално потврдени.