Швајцарија повторно е прогласена за најбогата земја во светот според најновиот извештај UBS Global Wealth Report 2026, со просечно нето богатство од околу 910.382 долари по возрасен жител. На второ место се наоѓаат САД со просечно богатство од околу 696.000 долари, додека трет е Луксембург со повеќе од 650.000 долари по возрасен.

Извештајот дефинира богатство како збир од финансиски средства, недвижности и други материјални добра, намалени за долгови, при што се вклучени и приватните пензиски фондови.

Иако Швајцарија е лидер по просек, податоците откриваат значителна нееднаквост во распределбата на богатството. Во земјата живеат околу 944.000 милионери, што претставува 13,1% од возрасното население, а тие контролираат речиси 69% од вкупното приватно богатство.

Кога се гледа медијаната на богатството (пореално прикажување на „просечен граѓанин“), Швајцарија паѓа на осмо место, со околу 145.555 долари по возрасен, додека прва е Луксембург.

Експертите од UBS предупредуваат дека растот на глобалното богатство не е рамномерно распределен: додека најбогатите слоеви бележат големи добивки, средната класа во некои земји дури и губи дел од реалната куповна моќ во последните две децении.

На глобално ниво, најбрз раст на богатството е забележан во Европа, Блискиот Исток и Африка, додека главни двигатели остануваат движењата на валутите и пазарите на недвижности.