Неочекуван резултат се случува во второто коло од групата Ј на Светското првенство, каде што Јордан фудбалска репрезентација има предност од 1:0 против Алжир фудбалска репрезентација по првите 45 минути. Алжирците доминираа во поседот на топката и од самиот почеток ја контролираа играта, но не успеаја да ја материјализираат иницијативата. Најдобрата можност ја имаше Ријад Марез во 33. минута, кога излезе сам пред голот, но одлично интервенираше јорданскиот голман.

Казната пристигна само неколку минути подоцна. Во 36. минута, по нафрлување во шеснаесетникот, топката стигна до Ал-Рашдан, кој ја испрати во мрежата за водство на Јордан од 1:0. Статистиката дополнително ја нагласува ефикасноста на Јорданците. Иако имаа само 27 проценти посед на топката во првото полувреме, успеаја да ја искористат една од ретките сериозни шанси и да стекнат предност.

За двете селекции ова е исклучително важен натпревар, бидејќи и Јордан и Алжир ги загубија своите воведни средби на турнирот. Јордан беше поразен од Австрија фудбалска репрезентација со 3:1, додека Алжир загуби со 3:0 од Аргентина фудбалска репрезентација. Второто полувреме веќе започна, а Алжир ќе се обиде да го избегне вториот пораз по ред и значително да ги зголеми шансите за останување во трката за пласман во нокаут-фазата. Јордан, пак, е на добар пат да стигне до првите бодови на Светското првенство.