Цели единици на руската армија се предадоа на украинските сили во близина на Лиман за време на офанзивната операција „Вивалди“. Украинските воени канали објавија видеоснимки на кои се гледаат десетици руски војници кои го полагаат оружјето, меѓу кои има офицери и пилоти. Според првичните извештаи од теренот, украинските сили по опколувањето заробија над 250 руски војници, додека руската одбрана во овој сектор бележи сериозно повлекување.

Видеата снимени од извидувачки дронови прикажуваат колони руски војници со кренати раце како излегуваат од рововите и шумските појаси во близина на Лиман. Украинските единици кои учествуваат во операцијата „Вивалди“ соопштија дека меѓу заробените се наоѓаат и припадници на воздухопловните сили и команден кадар.

🇷🇺🇺🇦 Ukrayna ordusu 250-dən çox Rusiya hərbçisini əsir götürüb pic.twitter.com/8ZoQ1F2rgt

— APA İnformasiya Agentliyi (@APA_agentliyi) September 28, 2026

Војниците биле опколени откако нивните логистички линии биле пресечени со брзиот украински маневар.

Предавањето уследи по координираниот напад на украинските бригади преку реката Оскол, каде што беа ослободени три населени места. Пресекувањето на патните правци за снабдување ги остави руските позиции без муниција и артилериска поддршка повеќе од 48 часа.

Ова е најголемото поединечно заробување руски сили на источниот фронт во последните неколку месеци.

Украинскиот координативен штаб за третман на воени заробеници соопшти дека сите заробени руски војници се префрлени на безбедни локации во позадината. Нивната евиденција веќе започна, со цел да бидат вклучени во идните преговори за размена на заробеници со Москва.

Официјален Киев соопшти дека сите постапки се водат согласно Женевската конвенција.