Руските сили со масовен воздушен напад тешко го оштетија логистичкиот комплекс на фармацевтската компанија „Биокон“ во Бориспилскиот округ во Киевската област. Информацијата ја потврди шефот на Киевската обласна воена управа, Тимур Ткаченко, додека извори од фармацевтскиот сектор предупредуваат дека е погодено едно од најголемите специјализирани складишта за лекови во земјата.
Првичните проценки од теренот упатуваат на финансиски удар од огромни размери. Според извори од фармацевтскиот сектор за украинските економски медиуми, материјалната загуба во комплексот на „Биокон“ се проценува на неколку милијарди гривни. Претворено во европска валута, уништените капацитети и залихи чинат најмалку неколку десетици милиони евра.
🇷🇺🇺🇦 Kyiv region. Strikes reported in Trypillya.
— King Chelsea Ug 🇺🇬🇷🇺 (@ug_chelsea) September 3, 2026
Warehouses of the pharmaceutical company "Biocon" are on fire near Borispol. pic.twitter.com/o2epE9ODHT
Ова складиште функционира како централна точка за увоз и дистрибуција на фармацевтски производи, па уништувањето на пратките директно се одразува врз синџирот на снабдување на цивилното население.
Уништениот логистички центар има специјализирана улога на украинскиот пазар. Компанијата „ХФК Биокон“ обезбедува фармацевтска логистика и чување медицински производи, а нејзините простории редовно ги изнајмуваат странски фармацевтски корпорации. Комплексот располагаше и со царинско складиште каде што лековите од увоз чекаа безбедносна проверка и натамошна дистрибуција низ аптеките и болниците.
Ударот директно ги засега странските достави на медикаменти што зависат од вакви температурно контролирани и строго регулирани објекти.
Овој напад претставува дел од поширока руска тактика за уништување на клучната цивилна и магацинска мрежа околу главниот град. Во истиот округ, кон крајот на август, руски воздушен удар предизвика пожар во складишни сали.
Само во последниот ноќен бран, руската армија истрела 163 дронови низ Украина. Украинската противвоздушна одбрана собори 135 летала, но преостанатите дронови успеаја да нанесат значителни оштетувања врз витални објекти.
