Студентски револт повторно го блокираше центарот на Тирана. Стотици млади луѓе излегоа пред Министерството за образование со барање за оставка од премиерот Еди Рама. Мирниот протест брзо прерасна во судир откако демонстранти со качулки запалија канти за отпад и фрлаа камења врз полициските сили, кои веднаш поставија кордон и воден топ во обид да ги спречат новите немири.

Собирот пред Министерството за образование во Тирана, традиционалната точка каде што речиси секојдневно започнуваат демонстрациите, стартуваше со скандирања „Рама, дај оставка!“ и „Нема Албанија без млади!“. Револтот на студентите ја отсликува длабоката фрустрација од институционалната затвореност и масовното иселување на младата популација од државата со околу 2,3 милиони жители.

🇦🇱 Student protests return to Tirana over the weekend following several days of calm. The demonstrations have remained peaceful, with no further reports of violence. Students continue to demand PM Edi Rama’s resignation but rejected joining protests called by PD leader Sali Berisha, insisting they are the real opposition to the government, not Berisha.

— kos_data (@kos_data) October 31, 2026

Ситуацијата се заостри кога група млади лица со качулки презеде иницијатива на протестот, палејќи контејнери за отпад и вадејќи павер-елементи од тротоарите за да фрлаат кон полицијата. Специјалните сили упатија предупредувања за интервенција, подготвувајќи водени топови за разбивање на толпата.

🚨 Tensions flare again at protests in Albania, where citizens’ primary demand is the removal of both PM Rama and opposition leader Berisha. https://t.co/zGg6ezczwF

— Tirana Report (@Tirana_Report) October 31, 2026

Брановите на граѓански и студентски отпор во Албанија траат со месеци. Социјалистот Еди Рама раководи со владата уште од 2013 година, а незадоволството кулминираше во мај, по најавите за контроверзен проект за изградба на луксузни туристички комплекси на албанското крајбрежје поврзан со соработник на поранешниот американски претседател Доналд Трамп. Она што започна како локален еколошки и урбан отпор, брзо се претвори во масовен бунт против корупцијата и монополот на власта.

Anti-government protest in Tirana, despite police threats and organized crime infiltration as well as a separate new measures that criminalizes protests. https://t.co/AQqJXscPFU

— Leftioni Peristere  🇦🇱🇺🇦 (@Leftioninew) October 31, 2026

Полициските кордони остануваат распоредени на клучните сообраќајници околу владините згради, подготвени за нови ескалации додека студентите одбиваат да се повлечат.