Романот „Во Акрата нема мостови” од Миле Бошњаковски се промовира вечерва во Изложбениот салон на Младинскиот културен центар во Скопје, со почеток во 19:00 часот. Книгата отвора теми за патувањето, љубовта и семејството, следејќи приказна со „он роуд” структура низ различни простори и јазици.

„Он роуд” роман за врски кои ги обликуваат судбините

„Во Акрата нема мостови” е втор роман на Миле Бошњаковски, по „Погром – записите на Рафаел Дорон”. Книгата ги следи теми за патувањето, љубовта, семејството и врските кои ги обликуваат човечките судбини, низ приказна која се движи низ различни простори, јазици и внатрешни премини. Говорителите на промоцијата, новинарот и публицист Зоран Бојаровски и новинарката Катарина Синадиновска, особено ја истакнуваат нејзината „он роуд” структура, атмосферата и емотивната нарација.

Промоцијата се одржува вечерва во МКЦ

Настанот е закажан за 19:00 часот во Изложбениот салон на Младинскиот културен центар во Скопје (кај главниот влез). Лектор на изданието е Јордана Шемко Георгиевска, уредник Ана Мартиноска, дизајнот го потпишува Бојан Ивановиќ, а уредник за верификација на информации е Јанис Јеруланос.

Книгата е во продажба во повеќе книжарници

„Во Акрата нема мостови” е достапна во книжарниците „Или-Или”, „Полица” спроти СУГС „Јосип Броз Тито”, „Литература” (во „Ист Гејт”, „Сити Мол”, „Дајмонд”, на ул. „Македонија” и ТЦ „Буњаковец”), „Сакам Книги” (Тифани, Лептокарија и Капитол Мол во Аеродром), преку онлајн продажбата на „Литература”, како и во книжарата „Просвета” во Охрид.