Општина Ресен информира дека утре во Претор, на брегот на Преспанското Езеро, ќе биде воведен привремен сообраќаен режим поради одржување рекреативна спортска трка. Сообраќајните ограничувања ќе важат во периодот од 6:00 до 12:00 часот, при што влезот преку селото Асамати кон Претор ќе биде дозволен само за возила на итни служби и организаторите на настанот.

Од општината посочуваат дека за паркирање ќе бидат обезбедени посебно обележани локации, кои ќе може да се користат до 8:30 часот, по што ќе се воведе целосна регулација на движењето. Привремениот сообраќаен режим ќе го контролира сообраќајната полиција, а граѓаните се повикуваат задолжително да ги почитуваат дадените насоки.

Спортскиот настан е организиран од здружението „Преспа хаб Ресен“, а на трката ќе учествуваат млади натпреварувачи од Преспа и поширокиот регион, на однапред определена патека покрај езерото.