Мета опис:
Светското првенство 2026 влегува во самата завршница. Познати се полуфиналните двојки, а до крајот на турнирот остануваат уште четири натпревари.

Познати се полуфиналистите на СП 2026: Англија против Аргентина, Франција против Шпанија

Светското првенство 2026, најголемото во историјата со 48 репрезентации, влегува во својата завршна фаза. По одигрувањето на 100 натпревари, остануваат уште само четири – двете полуфиналиња, натпреварот за третото место и големото финале.

Полуфинални двојки

Полуфиналните натпревари ќе се играат според следниот распоред: Франција – Шпанија (14 јули, вторник, 21:00 часот), Англија – Аргентина (15 јули, среда, 21:00 часот)

Резултати од четвртфиналето

Во четвртфиналната фаза беа постигнати следните резултати:

• Франција – Мароко 2:0
• Шпанија – Белгија 2:1
• Норвешка – Англија 1:2 (по продолженија)
• Аргентина – Швајцарија 3:1 (по продолженија)

Аргентина го брани трофејот

Актуелен светски шампион е Аргентина, која ја освои титулата на Мундијалот во Катар во 2022 година. „Гаучосите“ сега имаат можност да ја одбранат светската круна и да стигнат до четвртата титула во својата историја

Мундијалот 2026 е прв со учество на 48 национални селекции, а домаќини се Соединетите Американски Држави, Канада и Мексико.Турнирот започна на 11 јуни со натпреварот меѓу Мексико и Јужноафриканската Република на легендарниот стадион „Ацтека“, а ќе заврши на 19 јули со финалето на стадионот „МетЛајф“ во Њу Џерси.

На шампионатот ќе бидат одиграни вкупно 104 натпревари во 16 градови: 78 натпревари во САД, 13 во Канада и13 во Мексико.. Со ова, Мексико стана првата земја во историјата што била домаќин на три Светски првенства, додека Канада за првпат е организатор на мундијал.

Последен Мундијал за големи фудбалски ѕвезди

Овој шампионат означува крај на мундијалските кариери за дел од најголемите фудбалски имиња.

Меѓу нив се: Кристијано Роналдо, чија Португалија беше елиминирана во осминафиналето, Лука Модриќ, капитенот на Хрватска ,Нејмар, бразилската фудбалска ѕвезда, Един Џеко, легендарниот напаѓач на Босна и Херцеговина. Можно е ова да биде и последното Светско првенство за Лионел Меси, кој сè уште има шанса со Аргентина повторно да ја освои светската титула.

До крајот на турнирот останува да се одиграат уште четири натпревари, по кои ќе биде познат новиот светски шампион или Аргентина ќе успее да ја одбрани титулата освоена пред четири години.