Две страници со нацрт на една од најпознатите песни на Боб Дилан беа продадени на аукција за 508.000 долари. Два жолти листа содржеа три отпишани верзии на стиховите од песната „Mr Tambourine Man“, кои на крајот не завршија во финалната и снимена верзија, пишува Deadline.
На листовите се нотите што Боб Дилан рачно ги напишал.
Извештајот на музичкиот новинар Ал Ароновиц за тоа како настанала песната, исто така, беше вклучен во продажбата. Ароновиц се присети како Дилан дошол во неговиот дом и поминал ноќта пишувајќи и прилагодувајќи го текстот на пишувачката машина на својот домаќин. Песната, која се верува дека била напишана 1964. година, ја објавија и Дилан, а потоа и The Byrds.
Таа стигна на првото место на Билборд Hot 100, а исто така беше на врвот на топ листите во Велика Британија.
На аукцијата беше продадена и текстилната јакна што Дилан ја носел во филмот „Hearts in Fire“ (1987) и некои од неговите скици. BBC јавува дека аукциската куќа продала предмети во вредност од скоро 1,5 милиони долари.
