Педесет и тригодишна државјанка на Белорусија вчера била пронајдена почината во хотелска соба во Охрид. Според информациите од Министерството за внатрешни работи, случајот бил пријавен во СВР Охрид во текот на вчерашниот ден, по што полициски екипи и јавен обвинител веднаш излегле на терен. Засега не се соопштуваат причините за смртта, а повеќе детали ќе бидат познати по завршувањето на медицинските анализи.

Вчера во 15:40 часот во Секторот за внатрешни работи Охрид било пријавено дека во соба од хотел во градот била пронајдена почината 53-годишната О.В. од Белорусија. Лекар од Итната медицинска помош на местото на настанот констатирал смрт без видливи траги на насилство, по што биле известени надлежните правосудни органи.

По овластување на јавен обвинител, полициски екипи од СВР Охрид извршиле целосен увид на местото каде што е пронајдено телото. По соодветна наредба на обвинителот, телото на починатата странска државјанка е предадено на обдукција за точно да се утврдат причините за смртта. Полицијата работи на целосно расчистување на случајот.