Авион на „Флајдубаи“, кој леташе од Дубаи кон Тел Авив, денеска, 30 септември, принудно слета во Табук, Саудиска Арабија, по насилен инцидент во пилотската кабина. Авиокомпанијата потврди дека летот ФЗ1073 слета безбедно и дека сите патници се на сигурно.

Според тројца израелски претставници кои зборуваа за „Ројтерс“, постои сомнение дека копилотот го нападна капетанот со нож. Израелските власти ја разгледуваат можноста за обид за терористички напад, но околностите и мотивот сè уште се истражуваат.

Another video clip taken by a passenger aboard the flydubai flight from Dubai to Tel Aviv shows the plane taking a rapid plunge.

According to flight tracking data, the plane dropped more than 14,000 feet in under 30 seconds. pic.twitter.com/wtiqBYhEw1

— Emanuel (Mannie) Fabian (@manniefabian) September 30, 2026

Израелскиот премиер Бенјамин Нетанјаху изјави дека саудиските власти го уапсија пилотот кој го избоде својот колега и кој, според неговата изјава, очигледно се обиде да го урне авионот, пренесе „Асошиејтед прес“.

За време на инцидентот авионот нагло изгуби висина и испрати сигнали за итна состојба и за можно незаконско мешање во летот. Израелските власти подигнаа борбени авиони поради првичните сомневања за киднапирање. Леталото потоа беше пренасочено кон Саудиска Арабија.

Според сведочење пренесено од АП, луѓе во авионот интервенираа за да го совладаат напаѓачот и да ја вратат контролата врз леталото. Двајцата пилоти беа повредени и пренесени во болница, потврди аеродромот во Табук.

„Флајдубаи“ соопшти дека соработува со надлежните власти. Истрагата треба да утврди што точно се случи во кабината и дали нападот претставуваше намерен обид за уривање на авионот.