Од полноќ стапија во сила нови малопродажни цени на горивата во земјава. Според последната одлука, бензините бележат намалување на цените, додека дизелот поскапува.
Цената на ЕУРОСУПЕР БС-95 е намалена за два денари и сега изнесува 86 денари за литар. За два денари е поевтин и ЕУРОСУПЕР БС-98, кој од полноќ се продава по цена од 88 денари за литар.
За разлика од бензините, ЕУРОДИЗЕЛ (Д-Е V) поскапува за 1,50 денари по литар и од денеска чини 87 денари. Новите цени се применуваат на сите бензински станици низ државата и ќе важат до следната корекција на ценовникот.
