Вилата Les Cèdres, сместена на француската ривиера, се смета за една од најскапите приватни недвижности во светот. Ова импресивно имотиште, старо речиси 190 години, се протега на околу 35 хектари и е познато по својата луксузна архитектура, богата историја и исклучителна локација покрај Средоземното Море. Во 2019 година била продадена на украинскиот милијардер Ринат Ахметов за околу 220 милиони евра.

Вилата е изградена во 1830 година за белгиското кралско семејство, а нејзиниот стил носи влијанија од тогашната Кралевина Сардинија. Неколку децении подоцна ја купил градоначалникот на Villefranche-sur-Mer, кој ја користел како имот со маслинови насади, од кои дел и денес постојат со дрвја постари од 300 години. Во 1904 година имотот преминал во сопственост на кралот Леополд II, кој ги проширил градините, а од 1924 година бил во рацете на семејството Marnier-Lapostolle, познато по ликерот Grand Marnier, кое го развивало ботаничкиот парк речиси еден век.

Денес вилата се простира на околу 1.700 квадратни метри и вклучува 14 спални соби, олимписки базен, сала за танцување, голема библиотека со околу 3.000 книги од областа на ботаниката и природните науки, како и штали за до 30 коњи. Поседува и уникатни уметнички елементи како бронзената статуа на божицата Атина и езерце со амазонски лилјани.

Локацијата на полуостровот Saint-Jean-Cap-Ferrat овозможува панорамски поглед кон Villefranche-sur-Mer, средновековното село Èze и Алпите во далечина, што дополнително ја зголемува вредноста на оваа ексклузивна вила.