Започна осминафиналната фаза на Светското првенство, а првата репрезентација што обезбеди место меѓу осумте најдобри е Мароко, кој убедливо ја совлада Канада со 3:0. Вториот натпревар од денешната програма е дуелот меѓу Франција и Парагвај.
Во осминафиналето се среќаваат:
- Канада – Мароко
- Франција – Парагвај
- Бразил – Норвешка
- Мексико – Англија
- Португалија – Шпанија
- САД – Белгија
- Аргентина – Египет
- Швајцарија – Колумбија
ФИФА предупреди на можни доцнења
ФИФА предупреди дека натпреварот меѓу Франција и Парагвај во Филаделфија може да започне со задоцнување или дури да биде привремено прекинат поради најавеното невреме и високите температури.
По драматичната победа на Аргентина над Зеленортските Острови се отвори полемика околу судењето. Според извештаите, главниот судија му дозволил на аргентински фудбалер да се врати на теренот без да ја испочитува паузата предвидена со новите правила, што предизвика бројни реакции. Во меѓувреме, селекторот на Аргентина, Лионел Скалони, го критикуваше густиот распоред на натпреварите, истакнувајќи дека неговиот тим има премалку време за одмор пред следниот дуел.
Дополнително, репрезентацијата на Алжир му врачи отказ на селекторот Владимир Петковиќ по елиминацијата од Светското првенство, иако неодамна му беше продолжен договорот до 2028 година.
