По тој повод, оркестарот организира слушачка промоција на 14 октомври, од 20 часот, во „Кафе Литература“ во Diamond Mall во Скопје.

Вечерта ќе биде посветена на заедничко слушање на целиот албум, од почеток до крај, со претставување на винил и ЦД-изданијата и дружење со публиката.

„Наместо само да ви кажеме дека плочата е тука, решивме да ја слушнеме заедно“, порачаа од Националниот џез оркестар во најавата.

Поканата е упатена до љубителите на звукот на плочите, колекционерите на музички изданија, но и до сите што допрва сакаат да го запознаат првиот албум на оркестарот.

Со оваа промоција, „Македонски сновиденија“ ќе добие вечер во која музиката ќе се слуша во целина, во друштво на оние што ја создаваат и оние за кои е наменета.