Од Скопје до Неапол – патот на Matto Napoletano оваа година стигна до светската сцена на наполитанската пица. Скопската пицерија беше рангирана на 97. место на листата „50 Top Pizza World 2026“, додека на европската листа се најде на 19. место.

Но, престојот во Неапол за тимот на Matto Napoletano имаше и уште еден значаен момент. Главниот пицајоло Горан Мишевски учествуваше на „Vera Pizza Napoletana Champion 2026“ – првото светско првенство организирано од „Associazione Verace Pizza Napoletana“ (AVPN), асоцијација основана во Неапол во 1984 година со цел да ја заштитува и промовира традицијата на автентичната наполитанска пица.

Мишевски беше меѓу избраните учесници на шампионатот и ја претставуваше Северна Македонија во конкуренција од повеќе од 355 пицајоли од 30 земји и пет континенти.

Пиците на натпреварот беа оценувани преку „blind tasting“, односно жирито не знаеше кој пицајоло ја подготвил конкретната пица. Изборот на Неапол за домаќин има симболично значење. Градот се смета за родното место на традицијата на наполитанската пица, а уметноста на наполитанскиот пицајоло во 2017 година беше впишана на листата на нематеријално културно наследство на УНЕСКО.

На шампионатот учествуваа пицајоли од различни земји и култури, но сите беа обединети околу истата традиција – наполитанската пица.

За Matto Napoletano, престојот во Неапол донесе две значајни признанија: пласман на 97. место на светската листа „50 Top Pizza World 2026“ и учество на Горан Мишевски на првото светско првенство на AVPN.

Приказната што започна во Скопје така стигна до Неапол – токму таму каде што традицијата на наполитанската пица има свои корени.