Починат 64-годишен маж од Скопје бил пронајден во саботата вечерта во летниковец на Средно Водно, кај местото познато како „Видиковец“. Станува збор за лице кое претходно било пријавено дека се оддалечило од домот.
Според информациите од МВР, случајот бил пријавен во СВР Скопје на 23 мај во 20:00 часот. На местото пристигнала екипа на Итна медицинска помош, чиј лекар констатирал смрт.
По наредба на јавен обвинител, телото на починатиот е предадено на обдукција, која треба да ги утврди причините за смртта. Засега не се објавени дополнителни детали за околностите под кои починал мажот.
