Орхидеите важат за едни од најубавите, но и најчувствителни собни растенија. Иако делуваат елегантно и едноставно, нивното одржување бара внимание, особено во летните месеци кога високите температури можат брзо да го променат режимот на нега.

Една од најчестите грешки е полевањето со премногу студена вода. На интернет често може да се најде совет дека орхидејата може да се „полева“ со неколку коцки мраз, но тоа не значи дека растението треба директно да се полева со ледена вода. Ако орхидејата е во мала саксија, студената вода брзо стигнува до коренот и може сериозно да го оштети.

Втората голема грешка е претераното полевање. Во лето земјата побрзо се суши, па многумина мислат дека орхидејата мора да добива многу повеќе вода. Но, премногу влага може да предизвика гниење на коренот и појава на габични инфекции. Затоа е важно да се следи состојбата на растението, а не само изгледот на површината на земјата.

Орхидеите не сакаат ниту целосна сенка, ниту директно сонце. Ако се поставени во премногу темна просторија, можат да ослабат и да дехидрираат, но ако се изложени на директна сончева светлина, листовите може да изгорат. Најдобро место е светла просторија со многу природна, но индиректна светлина.

Во летниот период најважно е да се избегнат нагли промени: премногу вода, премногу студена вода или премногу силно сонце. Орхидејата најдобро напредува кога има стабилни услови, умерено полевање и доволно светлина без директно изложување на сонце.