Добрите идеи премногу често остануваат нереализирани, не поради недостиг од потенцијал, туку затоа што компаниите и институциите не знаат каде да ги пронајдат потребните финансиски средства, ниту како навреме да стигнат до вистинската програма.
Funding.mk е создадена токму како одговор на овој предизвик – како платформа што го поедноставува пристапот до отворени европски грантови, национални мерки, приватни фондови, кредитни програми и можности за финансирање преку инвеститори и фондови за ризичен капитал.
Наместо корисниците да пребаруваат низ десетици веб-страници, повици и обемни документи на различни јазици, Funding.mk ги обединува релевантните можности на едно место. Клучните информации, роковите и условите се претставени на јасен и разбирлив начин, со цел компаниите да можат времето да го насочат кон подготовка на квалитетна апликација, наместо кон долготрајно барање на самиот повик.
Платформата е развиена во рамките на Европскиот дигитален иновациски хаб – INNOFEIT EDIH, кој им помага на компаниите и институциите во Македонија полесно да ја поминат дигиталната транзиција преку тестирање технологии, обуки, вмрежување и поддршка за пристап до финансии.
Една од главните мисии на INNOFEIT е на компаниите да им овозможи реален и практичен пристап до извори на финансирање. Овој сегмент го води Solveo, кој преку Funding.mk го поврзува пристапот до информации со конкретни алатки што им помагаат на корисниците полесно да ги идентификуваат можностите што се соодветни за нив.
Во својата втора, надградена верзија, Funding.mk располага со две главни функции: персонализирано пребарување и проверка на подобност.
Персонализирано пребарување без ограничување на бројот на обиди
Преку персонализираното пребарување, корисниците внесуваат информации за својата компанија, институција, проект, дејност и потреби за финансирање.
Врз основа на избраните критериуми, платформата ги издвојува можностите што се најрелевантни за конкретниот профил.
Корисниците можат да направат онолку пребарувања колку што им се потребни и да внесуваат различни комбинации на критериуми. На овој начин, една компанија може одделно да пребарува можности за набавка на опрема, дигитализација, развој на нов производ, зелена транзиција, проширување на бизнисот или реализација на друг проект.
Целта е секој корисник да може да ги приспособува параметрите сè додека не ги пронајде можностите што најдобро одговараат на неговите потреби.
Проверка на подобност за конкретна можност
Втората функција овозможува проверка на подобност за конкретен грант, повик, фонд, кредитна линија или друга програма за финансиска поддршка.
Откако корисникот ќе пронајде можност што го интересира, може да провери дали неговата компанија, институција, организација или проект ги исполнува основните услови за аплицирање.
Оваа функција овозможува уште во почетната фаза да се процени дали конкретниот повик е релевантен, со што се намалува ризикот од вложување време и ресурси во подготовка на апликација за програма за која не се исполнети основните критериуми.
Проверката на подобност претставува почетна, информативна процена, додека конечната одлука за прифатливоста на апликацијата ја носи институцијата, фондот или организацијата што ја обезбедува финансиската поддршка.
Од пронаоѓање можност до подобра подготовка за аплицирање
Со комбинирање на персонализираното пребарување и проверката на подобност, Funding.mk не функционира само како база со отворени повици, туку како практична дигитална алатка што го поддржува корисникот во почетните фази од процесот на обезбедување финансии.
Платформата најпрво помага да се пронајдат релевантните извори на финансирање, а потоа овозможува да се направи почетна процена дали корисникот ги исполнува условите за избраната можност.
Funding.mk е наменета за стартапи, микро, мали, средни и големи компании, јавни институции, општини, здруженија, образовни и истражувачки организации, како и за други корисници што бараат финансиска поддршка за развој и реализација на своите идеи.
Со јасно претставени информации, неограничени комбинации за пребарување и можност за проверка на подобност, платформата има цел да го направи пристапот до финансии поедноставен, побрз и поефикасен.
Платформата е достапна на www.funding.mk.
Funding.mk – пронајдете ја вистинската можност и насочете го времето кон подготовка на успешна апликација.
