Ел Класико ја предводи програмата за фудбалскиот викенд на 24 и 25 октомври, но петте најсилни европски првенства нудат уште неколку интересни соочувања. Во Англија се игра лондонско дерби, во Италија Рома гостува кај Наполи, а во Германија Баерн оди во Фрајбург.

Барселона го пречекува Реал во недела

Најголемото внимание ќе биде насочено кон „Камп Ноу“, каде што Барселона и Реал Мадрид се среќаваат в недела од 21 часот, во десеттото коло на Ла Лига. Првото првенствено Ел Класико сезонава е и последниот натпревар во неделната шпанска програма.

Во сабота, Валенсија го пречекува Вилјареал од 18:30 часот, а Атлетико Мадрид игра со Депортиво Ла Коруња од 21 часот.

Фудбалски викенд со дерби на „Стемфорд бриџ“

Саботната програма во Премиер лигата започнува со Астон вила – Манчестер сити од 13:30 часот. Арсенал го пречекува Евертон од 16 часот, додека Челси и Тотенхем играат од 18:30 часот на „Стемфорд бриџ“.

Во недела, Ливерпул е домаќин на Брајтон, а Манчестер јунајтед на Борнмут. Двата натпревара започнуваат во 15 часот.

Наполи – Рома во сабота, Интер – Фиорентина во недела

Во Серија А се издвојува Наполи – Рома, закажан за сабота од 18 часот. Подоцна, од 20:45 часот, Лацио ја пречекува Парма.

Неделната програма започнува со Интер – Фиорентина од 12:30 часот. Јувентус гостува кај Лече од 18 часот, а Милан кај Удинезе од 20:45 часот.

Дортмунд дома, Баерн на гости

Во Бундеслигата, Борусија Дортмунд го пречекува Ајнтрахт Франкфурт во сабота од 18:30 часот. Во недела следуваат Хофенхајм – Баер Леверкузен од 15:30 часот и Фрајбург – Баерн од 17:30 часот.

Во Франција, Монако и Лил играат в недела од 15 часот. Дуелот ПСЖ – Лион е преместен за понеделник, 26 октомври, од 20:30 часот, па француското дерби ќе ја продолжи програмата и по викендот.