Скопската екипа која стои зад клубот „Минус Еден“ на 18 и 19 септември во Кучково, на половина час од Скопје, го организира првото издание на фестивалот за електронска музика „Кора“. Дводневниот настан под отворено небо ќе обедини околу 30 артисти од домашната, регионалната и меѓународната сцена, нудејќи современа електронска програма без жанровски ограничувања.
Музичката селекција на фестивалот опфаќа повеќе поджанрови на електронската музика, од сурово и хипнотичко техно, преку електро и специфични синт линии, до прекршени ритми, експериментални форми и слоевити звучни текстури. Организаторите го замислија просторот како отворена платформа фокусирана на моќен звук и квалитетна селекција.
Меѓу интернационалните гости што доаѓаат во Скопје се Matrixxman, Legowelt, Object Blue, Interstellar Funk и Adriana Lopez. Регионалниот дел од програмата го предводат Невена Јеремиќ, Little Lu, Sev-Dah и UnDoo.
Домашната поддршка ја сочинуваат Stojche Cvetanovski, Herzel Live, Андреј Мицајков, Душко Јаневски, Васо, Nashasya Kish, DJ Chvare, Diah, Бодан Јамакоски, L.O.V.D., Double G, Ивана Драгшиќ, UX, Daphunk, Iman Yam, Dejan Dex, Chrisot, Мартина Пенева, Мартин Војдановски, Томи Бојаџи, Shef Shef и Egorius. Настанот се реализира со поддршка од Општина Ѓорче Петров.
