Американските Центри за контрола и превенција на болести (CDC) го подигнаа нивото на одговор на епидемијата на ебола во Демократска Република Конго на највисокото можно ниво, поради забрзаното ширење на болеста. И покрај тоа, американските здравствени власти нагласуваат дека ризикот од ширење на вирусот во САД засега останува низок.

Според последните податоци, епидемијата на сојот Bundibugyo заразила повеќе од 1.200 лица во Конго, а 321 човек починал. Во соседна Уганда се регистрирани уште 20 случаи на инфекција.

Од Светската здравствена организација (СЗО) предупредија дека ова е најголемиот број регистрирани случаи во првиот месец од една епидемија на ебола досега.

Поради сериозноста на ситуацијата, CDC ја активираше првата – највисока – фаза на итен одговор, што се применува само при најтешки здравствени кризи. Тоа значи ангажирање на најголем можен број експерти и ресурси за следење и координација на мерките за спречување на понатамошното ширење на вирусот.

Здравствените власти продолжуваат внимателно да ја следат состојбата, додека меѓународните организации работат на ограничување на епидемијата и спречување на нејзино прелевање во други земји.