Од крајот на мај, демонстрантите секојдневно излегуваат на улиците на Тирана против планираната изградба на луксузно одморалиште во природен резерват на албанскиот брег, проект поврзан со ќерката на американскиот претседател Доналд Трамп, Иванка, и нејзиниот сопруг Џаред Кушнер. Протестите се познати како „Фламинго протести”, по мигрантските птици чиј живеалиште е загрозено од изградбата.

„Она што реално ме загрижува е принципот дека владата можела едноставно да го промени законот за да ја отстрани заштитата на животната средина без каква било јавна консултација”, изјави 30-годишната поп ѕвезда, чии родители се косовски Албанци, и која чувствува силна поврзаност со тој регион. „Многу ми е инспиративно колку луѓето навистина се грижат”, додаде таа, повикувајќи се на секојдневните собирања.

Липа сподели и дека проблемот е структурен по природа, и дека изградбата треба да се спроведе на начин кој ги поддржува луѓето. Планираното одморалиште првично беше најавено во 2024 година, но последниот бран протести започна откако на плажите се појавија бодликава жица и булдожери.

Изјавите на пејачката беа добредојдени од локалната еколошка активистка Бесјана Гури, која за АФП изјави дека станува збор за „моќна порака” до албанската влада.

„Уверена сум дека нејзиниот глас ќе помогне да се привлече поголемо меѓународно внимание кон оваа борба, и да ги засили загриженостите на луѓето кои протестираат во Тирана.”