Цената на една топка сладолед во Европа не зависи само од износот на сметката, туку и од тоа колку време просечниот работник треба да работи за да може да си ја дозволи. Анализа на „Еуроњуз“ во десет европски земји покажува дека најнеповолна е состојбата во Грција.

Според истражувањето, работник во Германија треба да работи околу 7,4 минути за една топка сладолед, додека во Обединетото Кралство се потребни 9,3 минути, во Белгија 11,4, Италија 13,2, а во Франција 14,5 минути.

Во Турција, Полска и Шпанија за една топка сладолед се работи околу 15 минути, во Португалија 16,6 минути, а најмногу во Грција – дури 20,9 минути. Тоа значи дека грчките работници работат речиси трипати подолго од германските за истото задоволство.

Во последните години сладоледот значително поскапе поради повисоките трошоци за енергија, суровини и закуп на деловен простор. Сепак, најновите податоци на Евростат покажуваат дека цените во Европската Унија почнале да се стабилизираат. Во јуни 2026 година сладоледот и замрзнатите десерти биле во просек за 0,4 проценти поевтини во споредба со истиот период лани.

И покрај ова благо намалување, цените и понатаму остануваат повисоки отколку пред 2020 година, што значи дека сладоледот сè уште е поскап отколку пред неколку години.