11,6 тони пиперки од Македонија биле вратени од бугарската граница откако лабораториските анализи на институциите покажале присуство на пестицидот форметанат над дозволената граница.
Пратката пристигнала преку граничниот премин Златарево и била наменета за трговец во Петрич. Пиперките биле задржани и ставени под забрана за продажба додека се чекале резултатите од анализите.
Откако било потврдено дека нивото на пестицидот е над дозволеното, бугарската Агенција за безбедност на храната наредила целото количество да биде вратено во земјата на потекло.
Пиперките се уште не билепуштени во употреба, а сопственикто на фирмата извозник сега треба да реши дали таа количина ќе биде уништена во соседна Бугарија или пак на депонијата во Дрисла.
