Фудбалските репрезентации на Англија и Аргентина ќе се сретнат во полуфиналето на Светското првенство во среда во 21 часот по локално време. Ова е жесток дуел помеѓу две земји кои не се сакаат, најмногу поради војната на Фолкландските Острови во 1982 година. Непријателството помеѓу Аргентинците и Англичаните е отворено истакнато во нивните медиуми, а селекторот на Аргентина, Лионел Скалони, се огласи на оваа тема.

„Реалноста е дека ова е само фудбалски натпревар. Не смееме да мешаме војна и фудбал, особено од почит кон сè што се случи во последните години. Тоа е тажен период во нашата историја. Различни работи се случуваат низ целиот свет токму сега. Самиот факт дека има војна секогаш е критикуван“, рече аргентинскиот тренер пред натпреварот.

Зошто Аргентинците и Англичаните се мразат едни со други?

Овие две земји влегоа во војна во 1982 година за Фолкландските Острови, кои се наоѓаат источно од брегот на Аргентина во Атлантскиот Океан. Англичаните ја добија таа војна. Загинаа 649 аргентински војници и 255 британски војници.

Аргентинците веруваат дека имаат право на Фолкландските Острови, и тука се разликува нивното размислување од она на Англичаните, благо речено. Според референдумот од 2013 година, жителите на Фолкландските Острови сакаат да останат под Велика Британија, 99,8 проценти од нив гласале за таа опција.