Светската метеоролошка организација World Meteorological Organization предупредува дека топлотните бранови стануваат сè почести, поинтензивни и подолготрајни поради климатските промени. Истовремено, Светската здравствена организација World Health Organization проценува дека жештините годишно се поврзани со стотици илјади смртни случаи.

Но, зошто истата температура не делува исто на сите?

Стручњаците објаснуваат дека разликата не е само во „издржливоста“, туку во цела низа фактори: возраст, здравствена состојба, лекови, хормони, телесна маса, но и услови за живот и работа. Дури и можноста за разладување во текот на денот и ноќта игра клучна улога.

Истражувања од University of Ottawa покажуваат дека телото може да почне да губи ефикасност во ладењето уште на пониски температури од претходно мислените граници, особено кога влажноста е висока. Токму затоа, не е исто 30°C во сув и во влажен воздух.

Лекарите од ХЗЈЗ Croatian Institute of Public Health објаснуваат дека кај постарите лица, луѓето со хронични болести, како и оние што земаат одредени лекови (диуретици, бета-блокатори, антидепресиви), ризикот од прегревање е значително поголем.

Дополнително, телесната маса, хормоналните промени (менопауза, проблеми со тироидната жлезда) и дехидратацијата може да ја нарушат природната способност на организмот да се лади преку потење.

Стручњаците предупредуваат и дека аклиматизацијата помага, но не значи заштита – и навикнатите луѓе можат да добијат топлотен удар ако се изложени предолго.Заклучокот е јасен: проблемот со жештините не е „во главата“, туку во физиологијата. А со растот на температурите, грижата за телото станува сè поважна – од хидратација и сенка, до правилен одмор и внимателно изложување на топлина.