Украина изгради целосно нова одбранбена индустрија за време на војната, порача претседателот Володимир Зеленски на првата парада на дронови од ваков тип, одржана во Киев по повод 35-годишнината од независноста на земјата. На главната улица Крештатик, на реката Днипро и во воздушниот простор беа прикажани десетици домашни системи, од копнени роботи и ударни беспилотни летала, сè до поморски пловила што веќе дејствуваат на фронтот.

Over the years of war, Ukraine has built an almost entirely new defense industry. Modern. Technological. An industry that meets the challenges of war. And today, we can all see the results of this work – on the ground, at sea, and in the sky. Ukrainian strength that we saw today… pic.twitter.com/mveY5QPxub

— Volodymyr Zelenskyy / Володимир Зеленський (@ZelenskyyUa) August 24, 2026

На централната манифестација беа изложени модели развиени и произведени во украинските погони. Меѓу копнените роботски комплекси беа прикажани системите „Термит“, „Рис“, „Симба“, „Ардал“, „Змиј“ и „Рател“.

Водниот дел од парадата на реката Днипро го предводеа поморските беспилотни пловила „Си бејби“ (Sea Baby), „Магура“ и „Сарган“, кои се користат за операции во Црното Море.

Воздухопловниот сегмент опфати пресретнувачи на воздушни цели како „П1-Сан“, „Литавр“ и „Стинг“, бомбардерите „Вампир“, „Лазар“ и „Хеви шот“, извидувачките дронови „Шарк“ и „ЛФ-400“, како и далекуметните системи „Морок“ и „Сичен“.

Според Зеленски, оваа технологија служи за заштита на цивилите и војниците на линијата на фронтот, а по завршувањето на војната ќе овозможи Украина да биде снабдувач на безбедност за своите партнери.

На прославата во Киев присуствуваа високи европски претставници. Зеленски им врачи државни награди на претседателите на Естонија Алар Карис, на Литванија Гитанас Науседа, на Финска Александар Стуб, на Молдавија Маја Санду, како и на претседателот на Европскиот совет. Одликувања добија и премиерите на Луксембург Лик Фриден и на Латвија Андрис Кулбергс.

I want to thank the leaders and the nations that unequivocally supported our state and our people, our independence, and who have come to Ukraine today to mark the 35th anniversary of its independence with us.

I presented our state awards to the Presidents of Estonia, Lithuania,… pic.twitter.com/fqam0eudfZ

— Volodymyr Zelenskyy / Володимир Зеленський (@ZelenskyyUa) August 24, 2026

Украинскиот претседател за првпат го додели и новото државно признание „Благодарност на украинскиот народ“. Наградата му беше врачена на британскиот премиер Енди Барнам, на кого ова му беше прва официјална посета во странство, како признание за континуираната поддршка од Обединетото Кралство од почетокот на војната.

По повод годишнината од декларацијата за независност беа доделени и постхумни одликувања за загинати војници и активисти, меѓу кои помладиот поручник Назариј Хринцевич, челникот на организацијата „Плацдарм“ Олексиј Јуков и ученикот Степан Чубенко. Одликувани беа и спортисти, уметници и општествени работници.