Нов пример доаѓа од Африка, каде што во борбата против Bundibugyo ебола вирусот во Демократска Република Конго, податоците што ги собираат теренските здравствени работници биле анализирани со помош на моделот Claude на компанијата Anthropic. Во процесот биле вклучени и СЗО за Африка, CEPI и INRB.

Според експертите, големата предност е брзината. Наместо извештајот за состојбата да се подготвува цел работен ден, сега може да биде готов за околу еден час. Тоа им овозможува на здравствените власти побрзо да препознаат ризични жаришта и попрецизно да ги насочат медицинските ресурси.

Но, покрај ентузијазмот, постои и претпазливост. Експертите предупредуваат дека системите со вештачка интелигенција мора да бидат доволно транспарентни и безбедни, особено кога станува збор за чувствителни здравствени податоци и одлуки што влијаат врз пациентите.

Прашањето веќе не е дали ВИ ќе влезе во здравството, туку како ќе се користи – како замена за дел од административниот товар, но не и за човечкиот контакт, проценката и довербата што сè уште остануваат клучни во односот меѓу лекарот и пациентот.