Мадона во четвртокот ја одбележа 40-годишнината од својот прв албум додека танцуваше во нов клип среде нејзиното закрепнување од бактериска инфекција.
Поп иконата (64) објави клип на кој танцува на хитот „ Lucky Star“ од 1983 година од нејзиниот албум „Madonna“. На видеото таа ги тресе колковите и намигнува на камерата.
При објавата на видеото таа напишам: „Да можам да го движам телото и да танцувам само малку ме прави да се чувствувам како „најсреќната ѕвезда“ на светот! Им благодарам на сите мои фанови и пријатели! Мора да бидете и мои среќни ѕвезди! И среќен 40ти роденден на мојот прв албум.“
Минатата недела пејачката позираше со неколку розови рози во својата градина и напиша: „Една роза може да биде мојата градина. Еден пријател мој свет. Ви благодарам.’
Ѕвездата сподели и неколку снимки како се релаксира на софата и позира со шарена перница.
Ова доаѓа откако поп-иконата го прекина молкот за битката за нејзиното здравје минатата недела и напиша на социјалните мрежи: „Ви благодарам за вашата позитивна енергија, молитви и зборови за исцелување и охрабрување. Ја почувствував твојата љубов. Јас сум на пат кон закрепнување и неверојатно благодарна за сите благослови. Мојата прва мисла кога се разбудив во болница беа моите деца. Мојата втора мисла беше дека не сакам да разочарам никого што купил билети за мојата турнеја. Исто така, не сакав да ги изневерам луѓето кои неуморно работеа со мене во последните неколку месеци за да го создадам моето шоу. Мразам да разочарувам некого. Мојот фокус сега е моето здравје и да станам посилена и ве уверувам дека ќе се вратам со вас штом можам. Мојот план сега е да ја презакажам мојата северноамериканска турнеја и да започнам со турнејата во Европа во октомври. Навистина сум благодарна за вашата грижа и поддршка“.
На Мадона ѝ беше дадена инјекција со лекот Наркан кој вообичаено се користи за отстранување на сомнителните предозирања со дрога – за да се бори против акутниот септичен шок пред итно да биде пренесена во болница, објави Радар онлајн.
Инсајдерот рече дека пејачката „има неверојатен систем за поддршка околу себе и ја цени сета љубов што ја прими“ откако беше однесена во болница на 24 јуни.
Пејачката е главно врзана за кревет бидејќи и понатаму е „слаба и многу уморна“.
Извор: Daily Mail
