Доцна синоќа земјотрес со јачина од 4,5 степени според Рихтер бил регистриран во јужниот дел на Албанија, објавија тамошните институции.

Епицентарот на потресот бил на шест километри северо-западно од познатото приморско гратче Химара, на длабочина од пет километри и е почувствуван и во соседните градови.

Земјотресот се случил околу 35 минути по полноќ и предизвикал вознемиреност кај жителите и туристите.

До овој момент, нема информации за евентуално предизвикана материјална штета.