Во ова летно издание на ReТРН, директно од убавата Битола, имаме чест да ви ја претставиме супер талентираната актерка Викторија Степановска, дел од актерската екипа на Народен театар – Битола. Викторија со својата харизма и талент го освои срцето на битолската публика, а сега ќе ја запознаеме подобро на еден скроз искрен муабет, одговарајќи брзо на нашите згодни и незгодни прашања.
Одговарајќи на сите наши прашања, на домашен терен, таа споделува интересни детали од својот професионален и личен живот. Викторија ни открива кој е нејзиниот омилен професор, дали се пика по шминкерни, и, во една поинаква перспектива, ќе ни каже колку ѕвезди има на небото според нејзиниот поглед. Е па, уживајте!
