На 18 јули, граѓаните на Тувалу имаа последна можност да учествуваат во уникатна лотарија – за добивање австралиски визи, што ќе им овозможат да ја напуштат својата земја пред таа целосно да исчезне под водите.

Австралија е првата земја што воведе специјална програма за климатски бегалци, овозможувајќи им на жителите на Тувалу легално иселување пред да настанат најтешките последици од климатските промени.

До 11 јули се пријавиле 5.157 луѓе, што е речиси половина од вкупното население на Тувалу. Само во првите четири дена, аплицирале над 3.100 лица – околу една третина од нацијата.

Оваа историска преселба не е само бегство од идни катастрофи – таа е аларм за светот и јасен показател дека климатската криза веќе го менува лицето на човештвото.