Најмалку 12 лица загинаа во серија шумски пожари што го зафатија северен Алжир, потврди алжирскиот министер за внатрешни работи Саид Сајуд. Огнената стихија се прошири низ повеќе провинции, при што пет жртви се регистрирани во Џиџел, четири во Беџаја и три лица во регионот Тизи Узу.
🔥 EN DIRECT DE JIJEL (Algérie 🇩🇿) … Ce n’est pas un coucher de soleil ! 😔
— Didier🇨🇮kamou🇨🇮🇲🇦 (@Didier1234kamo) August 26, 2026
C’est l’épaisse fumée qui a recouvert le ciel de la province à cause des incendies… Un spectacle douloureux qui brise le cœur. 💔🌫️ pic.twitter.com/1EMFVxbFl6
Според податоците на локалната цивилна заштита, на терен се уште се активни десетици пожари, од кои најголемиот дел се концентрирани во провинцијата Беџаја. Заради безбедност на населението и непречено движење на противпожарните екипи, надлежните служби затворија три главни државни патишта кои ги поврзуваат источните делови на земјата.
Справувањето со огнените јазли е значително отежнато поради силните ветрови, продолжениот период на суша и екстремно високите летни температури. Северот на Алжир и целиот медитерански појас секоја сезона се соочуваат со зголемен ризик од вакви катастрофи, кои редовно уништуваат илјадници хектари шума и земјоделско земјиште.
Argelia : Decenas de incendios se están propagándo por varias provincias, Béjaïa, Tizi Ouzou, Skikda, Jijel, El Tarf, Annaba y Mila, en medio de operaciones de evacuación pic.twitter.com/LzBQ6PuRsm
— Alertageo (@alertarojanot) August 26, 2026
Алжирските власти соопштија дека постојат основани сомневања оти дел од пожарите се намерно предизвикани, најавувајќи брзи истраги и апсења на одговорните лица. Во изминатите неколку години, овие катастрофи однесоа десетици животи и предизвикаа сериозни материјални штети врз станбени и инфраструктурни објекти.
