Шестмина вработени побарале лекарска помош откако вдишале чад при гаснење пожар во Државното средно стручно училиште „Моша Пијаде“ во Тетово.

Пожарот избувнал вчера околу 9:50 часот во една кабина од машкиот тоалет. Вработените успеале сами да го изгаснат огнот со противпожарни апарати и хидранти, пред да се прошири во другите простории.

„При гасењето, поради вдишување чад, вработените Н.Р., И.П., М.С., А.З., Б.К. и Г.М. се пренесени во Клиничкиот центар во Тетово за укажување лекарска помош“, изјави Фатмир Реџепи, портпарол на СВР Тетово.

Засега не е познато што го предизвикало пожарот.

Случајот повторно го отвора прашањето за безбедноста во училиштата, противпожарната заштита и брзата реакција во вакви ситуации, особено кога пожар избувнува во објект во кој секојдневно престојуваат ученици и вработени.