Најмалку три лица загинаа во Венецуела откако обилните и поројни дождови предизвикаа катастрофални поплави и свлечишта во северниот дел од земјата. Најтешко е погодена сојузната држава Арагва, каде што водената стихија носеше возила, поплави домови и ги уништи локалните сообраќајници. Спасувачките служби се на терен и го пребаруваат теренот за евентуални дополнителни жртви, додека властите предупредуваат дека временските неприлики со интензивни врнежи ќе продолжат.
Desde la noche de este sábado reportan fuertes lluvias en Caracas, lo que provocó anegaciones y desborde del Río Guaire en algunas zonas. En La Vega, autoridades confirman el fallecimiento de dos menores de edad. pic.twitter.com/9mA2w9pK8c
— Sergio Novelli (@SergioNovelliE) August 16, 2026
Поројните дожи кои непрекинато паѓаа неколку часа го прелија капацитетот на локалните речни корита во регионот Ла Викторија. Очевидци и локални медиуми известуваат дека реката брзо го пробила коритото, носејќи со себе кал, дрвја и шут што директно завршија на градските улици.
Граѓаните останаа затекнати од брзината со која водата влегуваше во нивните домови и деловни објекти. Повеќе населби во државата Арагва останаа без струја и со прекинати телефонски линии.
Официјалните претставници потврдија дека во акцијата за спасување се вклучени припадници на цивилната заштита, пожарникари и воени единици. Голем дел од патиштата во регионот се целосно блокирани од нанос на кал и паднати карпи, што го отежнува пристапот на механизацијата до пооддалечените рурални средини.
⛈️🇻🇪 Fuertes lluvias, descargas eléctricas y ráfagas de viento azotaron Caracas, Venezuela, entre la noche del sábado y la madrugada de este domingo, provocando inundaciones, afectaciones en vías, fallas eléctricas y una importante crecida del río Guaire.
— Alerta Mundial (@AlertaMundoNews) August 16, 2026
Al menos dos personas… pic.twitter.com/hywD683Xg2
Властите во Венецуела соопштија дека веќе се организираат привремени собирни центри за загрозените семејства чии домови се уништени или небезбедни за живеење.
Метеоролошките служби во земјата најавуваат дека нестабилното време со можност за нови поројни дождови ќе се задржи и во наредните денови. Владата апелираше до населението во ризичните и брдско-планинските подрачја да следи официјални упатства за евакуација доколку нивото на водите продолжи да расте.
