Недела наутро:
Недела ми е како и секој друг ден, бидејќи јас работам постојано, немам работно време и мојата работа е мојот живот. Наутро се будам со чаша сок од целер, потоа кафе и здрав појадок. Вежбањето е постојан дел од моето секојдневие, мое прибежиште за наоѓање нова енергија. Одамна веќе не излегувам навечер така што имам заборавено што е роа мамурлак.
Недела на ручек:
Неделниот ручек го делам со најблиските, најчесто одиме некаде да јадеме и да уживаме во разговори што душа топлат.
Недела попладне:
Постојано гледам филмови и серии, многу ја сакам уметноста во целост и таа е дел од мене.
Неделно опуштање:
Рецепт за убав ден не постои, каков ќе си го направиш, таков ќе ти биде, силно верувам во тоа.
Недела во детството:
Некогаш, неделата за мене како дете значење миење коса, правење маска за коса која мајка ми ја подготвуваше, средување на нокти и целосно организирање на домот и собата, зашто утре е понеделник и се оди на училиште. Тоа ми се чини навистина многу одамна. Како во некој друг живот.
